元朗形點商場一期其實有唔少餐廳，來來去去出名都係果幾間，細心D留意下既話會搵到驚喜！
是日驚喜係亞蘇爾澳門菜，在香港好少特登會揀澳門菜食，因為去一轉澳門都係一件好簡單既事！
不過心血來潮食下澳門菜都OK啊！反正又無乜在香港食，亞蘇爾澳門菜門口細細入面算幾大下！
坐既卡位幾舒服，值得一讚既係服務態度，唔知點解感覺上佢地職員比同商場既其他餐廳好禮貌！
話說果日就唔係太肚餓，隨隨便便揀左個「葡國直送沙甸魚芝士脆三文治」，價錢上$78有點貴！
但係食完之後會覺得值得既，葡國直送沙甸魚，好有在澳門既感覺，唔講以為自己去左澳門！
