牛柳粒 🐮 紅酒汁 🍷 芝士 🧀 焗飯 🍚

去又一城最鐘意係美食廣場開餐，勝在坐既位置多，但係人都好多，不過基本上等一陣就會有位。

美食廣場有6間食肆，在美食廣場特別容易有選擇困難症，揀來揀去最終揀左沙嗲王，因為睇中左牛柳粒紅酒汁芝士焗飯。



睇個名真係好吸引，焗飯一定熱辣辣，又芝士又紅酒汁，焗完一定香噴噴，仲要牛柳粒，本身已經好鐘意食牛柳。

牛肉味極濃郁的牛柳粒加上秘製日式紅酒汁及芝士焗製，令到每一粒日本米都滋味無比，配上日本溫泉蛋的蛋香，感動每一個味蕾！

🐶Natsumi Teraoka 許多的狗狗展 🐶

💧全世界最好喝的水💧香港邊度有得賣？

芝士 🧀 焗蝦仁 🦐 伊麵

心血來潮想飲茶，明知星期日去飲茶要排隊都堅持要去，除左因為想食點心，仲好想食芝士焗龍蝦伊麵﹐好彩既係大檯先排得耐，中檯唔係排好耐就有位。 一直都覺得明星皇宮既芝士焗龍蝦伊麵好出色，已經食過唔少次，但係其實價錢都唔平，不過成日食既話都有少少肉赤。 咦！芝士焗蝦仁伊麵？突然發現原來有得食平DD，蝦仁平過龍蝦唔少，無論芝士焗蝦仁伊麵定芝士焗龍蝦伊麵都係一樣咁出色，因為最出色既係芝士，大量芝士焗既伊麵真係好食到不得了！

隱世 🇮🇹 意式正宗窯烤薄餅 🍕

海洋公園除左餐廳仲有小食亭可以醫肚，雖則坐戶外可能無坐餐廳咁舒適，但係如果天氣好既話坐戶外食野其實都別有一番風味！ 海濱樂園既食尚水都有間Ciao Chow ，用隱世形容非常貼切！無意中發現Ciao Chow是香港首間及唯一榮獲意大利薄餅發源地拿坡里認證的意式食府，秉承意大利傳統及文化，採用最優質及時令食材，將正宗意式窯烤薄餅及各款傳統美食帶到香港，以味道細訴濃厚的意式風情。 在Ciao Chow可以品嚐地道薄餅之餘，仲有得睇意式正宗窯烤薄餅既製作過程，有得睇又有得食。 薄餅有10款，揀左夏威夷薄餅：72小時發酵薄餅底、番茄、水牛芝士、意式火腿、菠蘿薄片、巴馬臣芝士。