🇹🇭個人最鐘意既泰國餐廳

去完九龍灣近近地去九龍城行下，去得九龍城無乜理由唔食泰國菜，九龍城既泰國菜有幾出名有幾正宗唔需要我多講！

邊間最好食真係唔知，不過我個人最鐘意既係泰發泰國餐廳，泰式生蝦係我最愛，食泰國菜必食，一碟有六隻生蝦，食唔停口，嗌一碟唔係好夠食，仲有六隻炸蝦頭。

泰式皮蛋釀蝦餅好似唔係間間食泰國菜既餐廳一定有，如果之前未食過既就一定要試下，因為估唔到皮蛋同蝦餅咁夾。仲有菠蘿海鮮炒飯，記得配埋肉鬆同腰果一齊食好好味！