望河景食喇沙

之前經過河景餐廳見到有喇沙食，今次專程要過黎試下！睇菜單河景餐廳主打亞洲特色 & 喇沙，喇沙有雞肉同埋海鮮兩款。如果唔想食喇沙既話，有牛油雞、巴東牛肉配椰漿飯，仲有黑蘭度豆配印度香飯及印式烤餅。

第一次食就更係試左喇沙先！分別叫左雞肉同埋海鮮喇沙，雞肉喇沙除左有雞肉，仲有半隻蛋、豆卜芽菜做配料，而海鮮喇沙就有帶子｜蝦｜魷魚同埋半隻蛋、豆卜芽菜做配料。

河景餐廳既喇沙湯底真係唔錯，湯味濃郁香噴噴，忍唔著係咁飲D湯，喇沙呢個既質素絕對拍得著出面餐廳。