榮．冰室已經係教育路開左一段日子，經常行過都要排隊，特別係星期日一位難求，不過職員態度既殷勤令到覺得排隊等下無乜所謂！當時只係門口停留睇一睇餐牌，餐牌未睇清楚，職員已經急不及待招呼，實在有賓至如歸既感覺！ 早餐有驚喜，估唔到有唔少選擇，早餐 A + B，A 可以選二款餸或轉改火腿奄列，仲有薄多士／牛油厚多士／改：混醬多士 +$1 ，B 可以選一款 $37 或者 $39 可配：米粉／米線／通粉／意粉（轉出前一丁+$5、辛辣麵 +$8、芝士麵 +$8），以上套餐奉送熱飲／即磨咖啡，凍飲 +$2，熱飲加大 +$5，轉罐裝汽水 +$6。
最終 A 揀左火腿奄列混醬薄多士，B 就揀左 $39 沙爹牛肉 +$8芝士麵，辣辣地既芝士麵配埋沙爹牛肉真係唔錯！火腿奄列非常之足料，有唔少火腿！混醬薄多士又多醬，口感一流！
再叫左 $48 雞扒全餐，煙肉、炒蛋、火腿、焗豆，跟：多士，（薄多士）配：混醬，奉送熱飲／即磨咖啡，凍飲 +$2，雞扒又煎得幾香脆，焗豆又幾好味！
